انـــتِ الافضــــل

انـــتِ الافضــــل


خرجت هى وخطيبها بس للاسف رجعت بسرعة وعلى خدها الف دمعة

سالتها ماماتها : فى ايه يا بنتى ؟ حصل ايه يا حبيبتى ؟

جاوبتها بكلمة مفيش بس ماماتها اصرت على سؤالها وقالتلها عنى متخبيش اصلا غيرى ليكى بعد ربنا مفيش

قررت البنت تحكيلها وبدأت من تصرفاته وكلامه تشتكيلها

قالتلها انه عاوز دلوقتى يقعد معها فى حتت بعيدة لوحدها وبيحاول برضوه يلمس جسمها بس هى قابلته برفضها وقالتله وهى مكشرة وعلامات الغضب على وشها "انا وانت مش هينفع نستمر مع بعضنا اصل العلاقة ما بينا لازم يكون فيها خوف ومحبة ربنا" وباختصار ده كان ردها

امها لدموعها مسحت وفى حضنها ليها ضمت وعليها طبطبت
هديت البنت شوية وسالت ماماتها عن صحة او غلط تصرفها ؟

وان هى كده نفذت وصية ماماتها صح لما قالتلها لازم تحافظ على نفسها ؟ ولأ ده خطيبها وعادى وكلها شهور ويبقى جوزها ؟

ماماتها قالتلها ثوانى وراجعة ومش هتأخر عليكى

رجعت الام وفى كل ايد من ايديها حتة شيكولاتة من اللى بتحبها بنتها

كل حتة زى التانية بالظبط وفى نفس الحجم

بس الفرق الوحيد بين الاتنين ان واحدة مغلفة وشكلها نضيفة والتانية مكشوفة

البنت بصت باستغراب ناحية ماماتها وقالت فى نفسها انا مش عاوزة اكل ومطلبتهوش انا عاوزة بس اجابة على اسئلتى مش اكتر لكن يا ترى ماما جايبة دى ليه ؟

ماما عارفة ان بنتها مستغربة وعلشان متزودش حيرتها بدأت تفهمها
وقالتلها : لو فى شخصين قصادك وكل واحد معاه حتة من الشيكولاتة دى وبنفس المنظر ده هتختارى اى واحدة فيهم ؟

قالتلها وبدون تفكير اكيد المغلفة وسألت الام بنتها عن السبب

وسالتها امها عن سبب اختيارها ؟ وايه رأيها فى صاحب كل شيكولاتة منهم ؟ وهتعمل ايه بالشيكولاتة التانية ؟

جاوبتها البنت : اختارت الاولى علشان لانها اكيد نضيفة ومتحافظ عليها كويس بغلافها

و التانية مع انى بحبها جدا بس طبعا هرميها

لانه اكيد بقى فيها ميكروبات و معرضة للتلوث وهتسبب امراض لكل اللى هيأكل منها

و رأيى ان الشخص الاول بيحب الشيكولاتة وخايف عليها زى ما بيخاف على نفسه لانه لو الشيكولاتة بتاعته نضيفة هتبقى صحته كويسة

اما الشخص التانى مش فارق معاه اى حاجة ومش مهتم بطبقه ومش خايف على اى حاجة ولا حتى نفسه

بس انا مش فاهمة برضوه ايه قصد حضرتك ؟

ردت الام عليها : اقصد انك لازم تحافظى على نفسك من كل اللى حواليكى مهما كانت الظروف

لان اللى بيحبك هيحافظ عليكى لانك هتبقى جزء منه فى يوم من الايام
واى حاجة هتضرك هتضره واى حاجة هتنفعك هتنفعه

فى اللحظة دى الام حست ان بنتها اتضايقت لانها شبهتها بحتة الشيكولاتة
وعلشان تفهمها اكتر قالتلها : انا مقصدش انك زى الشيكولاتة علشان انتِ الافضل واحسن من الشيكولاتة كلها لانك انسانة بس انا كان قصدى اشرحلك بطريقة سهلة وبسيطة

وعلشان انتى انسانة يبقى لازم تحافظى على نفسك وعلى مشاعرك

ومينفعش تسيبى نفسك وتسلميها ل اى شخص يقول اى كلام متذوق مهما كان

حتى لو كان حبيبك او خطيبك لانه فى اى وقت ول اى سبب ممكن يقولك باى باى ويسيبك

جوزك بس هو اللى له الحق انه يلمسك غير كده مفيش لان انتوا فى الوقت ده هتبقوا واحد .

† † +•·.·°¯`·.·••·.·`¯°·.·•+ † † «•««·.·`¯°·.·•+•.ღ.• •.ღ.• † «•«

مــــن فــــضــــلــــك

انــــشــــرهــــــــــــا

اذا نــــالــــت اعــــجــــابــــك

اتمنى ان تنال اعجاب الجميع

»»•» † •.ღ.• •.ღ.•+•·.·°¯`·.·•»»•» † † +•·.·°¯`·.·••·.·`¯°·.·•+ † †


انـــتِ الافضــــل

بقلم / ادمون لحظى