المشاركات
ربنا هيوديك النار
لو رميت الاكل ربنا هيوديك النار
لو دوست برجلك حتي لو غصب عنك علي لقمه في الارض ربنا هيوديك النار
لو كدبت ربنا هيوديك النار
لو ضربت اختك ربنا هيوديك النار
لو خدت حاجه مش بتاعتك ربنا هيوديك النار
لو ماسمعتش كلام بابا وماما ربنا هيزعل منك ويوديك النار
بنربي ولادنا زي ماحنا بالظبط اتربيناعلي سياسه الترهيب والتخويف
وولادنا بكره يكبروا ويتجوزا ويربوا ولادهم بنفس الطريقه
والنتيجه ايه؟؟؟ اجيال لا نهايه لها
عندها صورة مشوهه عن ربنا
انه هو الاله اللي واقف بالكرباج القاسي اول مااغلط هيكون مصيري النار
تعالوا نقدم لولادنا صورة الله المحب الحنين اللي بيسامح
سامح انت كأب وانتي كأم ابنك وبنتك
قولوا انت غلطت بس انا مسامحك
ومن خلالك هيفهم ويتعرف علي محبة ربنا وغفرانه
سوسنه مكرم
0 التعليقات:
إرسال تعليق