محدش بياخد نصيب حد

محدش بياخد نصيب حد

زمان وانا صغير كان نفسي في لعبة معينة وكنت بحوش عشان اشتريها .. لدرجة ان ابويا جه قالي للدرجاتي اللعبة دي تهمك .. قولتله جداااا انا نفسي فيها ..

كنت بفرح جدا كل لما اعدي علي المحل والاقيها لسه متباعتش ..

لحد ما جهزت فلوسها ورحت عشان اشتريها لقيتهم بيقلولي اتباعت

قولتلهم ازاااي ماهي موجوده اهي

قالولي صاحبها اللي اشتراها دفع فلوسها من فترة وسايبها لحد مايجيب عربيه ياخدها عليها

حزنت جدااااا ومشيت وانا مكسور

لقيت البياع بيواسيني وبيقولي متحزنش كتير جه يشتريها زيك ومعرفش ..

لحد مالقتها قدامي في عيد ميلادي .. هي هي اللعبة ونفس اللون ومن نفس المحل

اللي ربنا بيحجزهولنا .. استحاله يكون لحد غيرنا .. حتي لو كان معاه مﻻيين

محدش بياخد نصيب حد .. خليك واثق في ابوك .. واعمل اللي عليك



مايكل سامي