المشاركات
صوابعك في خطر
نيفين حجازى
مساء أستاذتنا نيفين .. مش عايزة اطول عليكي , انا عندي مشكلة فظيعة مش عارفة اتخلص منها .. انا من الناس اللي بتقرقض ضوافرها وده مسببلي حرج كبير , خصوصا ان صاحباتي بيتسلوا علية بسبب الموضوع ده وبيقولولي ان الموضوع ده بينقص كثير من أنوثتي وان البنت لازم تبقى مهتمة اكتر بمظهرها شعرها لبسها مكياجها نضافتها ومن ضمن الموضوع الضوافر , انا حاولت كثير ابطل بس مقدرتش الصراحة وآخري في اني امسك نفسي ساعة بالكتير واكنها حالة عصبية مثلا , المهم انا مش عارفة اعمل ايه .. عندك حل ؟
نانا
فضفضة
محررة الصفحة .. نيفين حجازي
نانا .. مشكلتك مش كبيرة صدقيني .. الموضوع محتاج منك حاجة واحدة بس .. كل ما تيجي تقرقضي ضوافرك زي ما بتقولي افتكري كلام صاحباتك لكن فيه سبب أهم كمان لازم تاخدي بالك منه واعتقد انه ممكن يمنعك نهائي عن الموضوع ده وهوة ان قضم الأظافر موضوع خطير لأنه ممكن يتسبب في أمراض جلدية تضر بالظفر نفسه ومش عايزة أخوفك أكتر من كدة بس بجد الموضوع ده بيوصل لحد الخطر والجراحة كمان في بعض الأحيان بسبب الميكروب اللي ممكن يصيب الأظافر نفسها واللي بيتحول بعدها الى نوع من أنواع البيكتيريا و الفطريات المزمنة .. نانا .. خدي بالك صوابعك في خطر بجد .. والف سلامة عليكي .
0 التعليقات:
إرسال تعليق