نقلا عن فيتو شاهد ردود فعل نشطاء تويتر علي قرار النيابة بخصوص قضية صفر الثانوية لمريم القبطية

نشطاء تويتر ينتفضون لأجل مريم ملاك

نقلا عن فيتو 

شاهد ردود فعل نشطاء تويتر علي قرار النيابة بخصوص قضية صفر الثانوية لمريم القبطية

دشن النشطاء هاشتاج "أنا مصدق مريم ملاك" بعد أن أعلنت النيابة، أمس الأحد، حفظ التحقيقات في قضيتها، ليعبر النشطاء عن مساندتهم للطالبة مريم ملاك، صاحبة صفر الثانوية العامة، مؤكدين أن الطالبة قد ظلمت، وأن الطالبة كان من الممكن أن تأخذ درجة ولو بسيطة إذا قامت بتسطير ورقة الإجابة.

ضد الرشوة والمحسوبية

قال سامح صبري: "أنا مصدق مريم ملاك ضد الرشوة والمحسوبية".

وقالت تشيز صافي: "أنا مصدقة مريم ملاك عشان الأدراج المفتوحة والشاى وكل سنة وإنت طيب وحمدالله ع السلامة طول السنة".

وأضافت مني عيسى: "عشان أنا كنت أفشل طالبة وجبت أكتر من صفر.. أنا مصدق مريم ملاك".

وعلقت مالي هيرمس: "أنا مصدق مريم ملاك علشان أنا مكنتش أعرف حاجة عن مادة الجيولوجيا وجبت 46 فيها برضو!".

وقالت حرة بنت مصر: "ظلم والله واحدة جايبة 97% في 2 ثانوي ازاي تجيب صفر في 3 ثانوي.. ده أخيب تلميذ في مصر مبيجبش صفر..أنا مصدق مريم ملاك".

آه يا بلد

وأضاف مصطفى "أنا مصدق مريم ملاك معلش يابنتى ما انتى غلبانة والغلبان ملوش مكان ف مصر يلا يا بلد".

وأضاف كرييتف طه "أنا مصدق مريم ملاك لأن مستحيل تجيب صفر إلا لو ماراحتش.. دى لو كحت ف الورقة هتاخد درجات.. دا انتو وزارة...".

وقالت أنوسة أهلاوية ومدريدية: "انا مصدق مريم ملاك.. اللهم اضرب الظالمين بالظالمين وأخرجنا منهم سالمين.. حسبي الله ونعم الوكيل وكفي".

سرقوا الحلم والثقة

وأضافت أسماء الشامي: "ده لو كتبت اسمها بس زي ما بيقولوا ونقلت الأسئلة ومكتبتش إجابات كانت هتاخد درجات.. تجيب صفر إزاي أنا مصدق مريم ملاك.. حسبي الله ونعم الوكيل في كل واحد ضميره ميت وفي كل واحد مش بيراعي ربنا".

وقال الفلاح الفصيح: "مريم ملاك اللى اتسرق منها مش فلوس مش عربية مش شوية دهب.. مريم ملاك ببساطة اتسرق منها الحلم والثقة والمستقبل.. أنا مصدق مريم ملاك".

وأضاف يحيي الجعفري "أنا مصدق مريم ملاك.. مريم ملاك مسرقوش منها ورقة امتحان.. هما سرقوا منها حلمها بالتفوق.. ومقتلوهاش بس قتلوا أملها في مستقبل أفضل.. سرقة وقتل".

الدرجات راحت لابن ناس

وأضاف ساليما محمود: "أنا مصدق مريم ملاك.. من الواضح إن الموضوع اتحسم لبنت أو لابن ناس مهمين لدرجة إنهم يزوروا في الكنترول وفي الطب الشرعي.. أقيلوا وزير التعليم".

وقالت نور نور: "المنظومة كلها فاسدة.. أنا مصدق مريم ملاك".

وأضاف عماد على: "أنا مصدق مريم ملاك حصلت على325 من 350 في الابتدائية _290 من أصل 300 في الإعدادية _ 290 من 300 أولى ثانوي".

مستحيل تجيب صفر

وقالت سارة عماد: "أنا مصدق مريم ملاك.. دي لو في أي بلد بره مصر كان حقها اتجاب واتفصل من أول المصححين لحد وزير التعليم مش هنرتقي بقي يا مصر !مستحيل تجيب صفر".

وأضاف حمدي يوسف: "أنا مصدق مريم ملاك ربنا معاكي، وإنشاء الله هتاخدى حقك، وكلنا وراك".

وقالت هدي: "أنا مصدق مريم ملاك.. بتسرقوا صحتنا وبتعلمونا غلط وبتسرقوا أحلامنا.. مستكترين عليها نتيجة تعبها وتعب أهلها!!".

الفشل في التزوير

وأكد كارلوس سامح: "أنا مصدق مريم ملاك.. مفيش حد يجيب صفر ده لو حتى فاشل هيدخل يغش ويجيب ع الأقل درجة النجاح.. حتى فاشلين في التزوير".

وقالت داليا جورج: "أنا مصدق مريم ملاك.. عايزة أقول للمسئول اللي اداها صفر ده إنك لو كنت بس خليتها ٣٠% أو ٤٠% كنت هتضيع مستقبلها برضو بس كانت هتبقا مبلوعة شوية".

ماعرفتش تسطر

وأضافت مي سيد الصباغ: "أنا مصدق مريم ملاك أمال يعني أصدق الحكومة؟ ليه شايفني راكنة الفيل برة الشقة؟".

وعلقت موني صلاح: "أنا مصدق مريم ملاك.. أيام ما كنا في ثانوية عامة كان المدرسين يقولولنا سطروا الورقة بشياكة هتخدوا درجة.. معقول تكون حتى معرفتش تسطر!!".