المشاركات
حدوتة رائعة لقداسة البابا عن العطاء
كتبت: مريم راجى
ترأس قداسة البابا تواضروس الثانى القداس الالهى بدير الانبا شنودة فى Lachiarilla ميلانو
والقى قداسته عظة عن فرح العطاء فقال
نحن في فترة عيد القيامة والخماسين المقدسة ، المسيح عمل كل حاجة لأجلنا ، مين اللي فرحان أحنا ولا المسيح؟! .. طيب هاحكي قصة ونعرف منها الإجابة ، كان في ولد عمره ١٠ سنين في يوم وجد صوت بيقول له صباح الخير ، بيدور علشان يعرف منين الصوت لاقاه من الشجرة و وبتقول له مضايق ليه فقالها أصل مش لاقي حد ألعب معاه ففضلت تفكر الشجرة وقالت له طيب أطلع علي الفرع بتاعي واجلس عليه واتمرجح وفعلا طلع وجلس وفضل يتمرجح ، مين مبسوط أكتر الولد ولا الشجرة ؟! .. عدت سنوات وبقي الولد عنده ١٥ سنة وهو ماشي وجد الشجرة بتقول له مالك متضايق ليه قالها أصل مش معايا فلوس ؟ فقالت له خلاص هات سلة واجمع فيها من ثماري وبيعها فيبقي معاك فلوس ، وفعلا عمل كده وبقي معاه فلوس ،
مين مبسوط أكتر الولد ولا الشجرة؟!
كبر الولد وبقي شاب فقالت له الشجرة انت فين ليا كتير ماشوفتكش .قال لها ده انا اتخرجت وهاتجوز وزعلان علشان مش لاقي شقة قالتوا طيب وانت صغير مرجحتك وجبت لك فلوس ، سكتت الشجرة وقالت له هات منشار واقطع فروعي وحطهم مع بعض واعمل شقة خشب فعجبته الحكاية أوي وقطع الفروع وعمل شقة خشب
- مين اللي مبسوط الولد ولا الشجرة ؟!
اتجوز الولد وبقي عنده ولد وبنت ولد اسمه مينا وبنت اسمها مريم وفي يوم وهو بيتفسح علي النيل في مصر الشجرة بتسأله مالك ومين دول قالها دول أولادي ومراتي وعايزين يتفسحوا ويركبوا مركب في النيل ومش عندي ، فقالت له روح هات منشار كبير واقطعني واعمل مني مركب ، وفعلا قطعها وعمل مركب ومجداف واتفسح هو وولاده ومراته.
-مين اللي مبسوط الولد ولا الشجرة؟!
عدت السنين وكبر الولد بقي عجوز وفي وهو ماشي سمع صوت بيقولوا انت فين ؟ فقال مين ؟ قالت له انا لما كنت شجرة وقطعتني وعملت مني مركب فقالها العيال كبرت وعايز ارتاح قالتلوا تعالي اعد علي الحتة الضغيرة اللي اتبقت مني
- مين مبسوط الولد ولا الشجرة؟
٥ مشاهد في القصة من وهو طفل لغاية ما اصبح عجوز
- مين مبسوط الولد ولا الشجرة؟
-مين يفرح اللي بياخد ولا أللي بيدي؟
الآية تقول (مغبوط هو العطاء أكثر من الأخذ)
اللي بيعطي فرحان أكتر مثل الشجرة مرة ثمر وبيت ومركب وكرسي يرتاح
اللي بيعطي يكون فرحان أكتر الكتاب يقول (مغبوط هو العطاء أكثر من الاخذ)
المسيح لما فدانا هو اللي فرحان لما نجيب الانجيل معناه (بشارة مفرحة) لأن اللي بيعطي هو الفرحان.
فرحانين أوي بيكم وبوجودي معاكم.
كتبت: مريم راجى
ترأس قداسة البابا تواضروس الثانى القداس الالهى بدير الانبا شنودة فى Lachiarilla ميلانو
والقى قداسته عظة عن فرح العطاء فقال
نحن في فترة عيد القيامة والخماسين المقدسة ، المسيح عمل كل حاجة لأجلنا ، مين اللي فرحان أحنا ولا المسيح؟! .. طيب هاحكي قصة ونعرف منها الإجابة ، كان في ولد عمره ١٠ سنين في يوم وجد صوت بيقول له صباح الخير ، بيدور علشان يعرف منين الصوت لاقاه من الشجرة و وبتقول له مضايق ليه فقالها أصل مش لاقي حد ألعب معاه ففضلت تفكر الشجرة وقالت له طيب أطلع علي الفرع بتاعي واجلس عليه واتمرجح وفعلا طلع وجلس وفضل يتمرجح ، مين مبسوط أكتر الولد ولا الشجرة ؟! .. عدت سنوات وبقي الولد عنده ١٥ سنة وهو ماشي وجد الشجرة بتقول له مالك متضايق ليه قالها أصل مش معايا فلوس ؟ فقالت له خلاص هات سلة واجمع فيها من ثماري وبيعها فيبقي معاك فلوس ، وفعلا عمل كده وبقي معاه فلوس ،
مين مبسوط أكتر الولد ولا الشجرة؟!
كبر الولد وبقي شاب فقالت له الشجرة انت فين ليا كتير ماشوفتكش .قال لها ده انا اتخرجت وهاتجوز وزعلان علشان مش لاقي شقة قالتوا طيب وانت صغير مرجحتك وجبت لك فلوس ، سكتت الشجرة وقالت له هات منشار واقطع فروعي وحطهم مع بعض واعمل شقة خشب فعجبته الحكاية أوي وقطع الفروع وعمل شقة خشب
- مين اللي مبسوط الولد ولا الشجرة ؟!
اتجوز الولد وبقي عنده ولد وبنت ولد اسمه مينا وبنت اسمها مريم وفي يوم وهو بيتفسح علي النيل في مصر الشجرة بتسأله مالك ومين دول قالها دول أولادي ومراتي وعايزين يتفسحوا ويركبوا مركب في النيل ومش عندي ، فقالت له روح هات منشار كبير واقطعني واعمل مني مركب ، وفعلا قطعها وعمل مركب ومجداف واتفسح هو وولاده ومراته.
-مين اللي مبسوط الولد ولا الشجرة؟!
عدت السنين وكبر الولد بقي عجوز وفي وهو ماشي سمع صوت بيقولوا انت فين ؟ فقال مين ؟ قالت له انا لما كنت شجرة وقطعتني وعملت مني مركب فقالها العيال كبرت وعايز ارتاح قالتلوا تعالي اعد علي الحتة الضغيرة اللي اتبقت مني
- مين مبسوط الولد ولا الشجرة؟
٥ مشاهد في القصة من وهو طفل لغاية ما اصبح عجوز
- مين مبسوط الولد ولا الشجرة؟
-مين يفرح اللي بياخد ولا أللي بيدي؟
الآية تقول (مغبوط هو العطاء أكثر من الأخذ)
اللي بيعطي فرحان أكتر مثل الشجرة مرة ثمر وبيت ومركب وكرسي يرتاح
اللي بيعطي يكون فرحان أكتر الكتاب يقول (مغبوط هو العطاء أكثر من الاخذ)
المسيح لما فدانا هو اللي فرحان لما نجيب الانجيل معناه (بشارة مفرحة) لأن اللي بيعطي هو الفرحان.
فرحانين أوي بيكم وبوجودي معاكم.
0 التعليقات:
إرسال تعليق