بمناسبة عيد مارجرجس غدااا معجزة قوية ورائعه جدا له مع ام النور

طبيبي ربنا . . . ربنا هو الشافي

بمناسبة عيد مارجرجس غدااا معجزة قوية ورائعه جدا له مع ام النور

سيده فقيره جدا قويه في ايمانها ساكنه في منطقه شعبيه ( عزبه راشد - حلوان ) تعمل بكد علشان تساعد زوجها انهم يسدوا احتياجات اولادهم

شعرت بالم شديد في منطقه الكلي وكان البول ينزل ومعاه دم وعلشان معندهاش امكانيه انها تروح لدكتور خاص في عيادته راحت لمستشفي القصر العيني وقطعت تذكره علشان تتعرض علي طبيب بقسم الكلي والمسالك البوليه وبعد رحله عذاب تم الكشف عليها واجراء فحوص واشعه واتضح ان هذه السيده الفقيره تعاني من وجود حصوه بالكلي وقرر الدكتور ضروره عمليه جراحيه وحدد لها الميعاد وطلب منها بعض الاجراءات اللازمه قبل العمليه

كشربها لشربه زيت خروع وعدم الافطار وان تاتي مستعده في اليوم المحدد

طبعا قرار العمليه كان حاجه مفاجاه لهذه السيده الفقيره عشان هي مش هاتقدر تسيب بيتها واولادها ومين اللي ها يرعاهم طول فتره وجودها بالمستشفي وخدمته وكمان هي معندهاش اي مبالغ مدخره تقدر تصرف منها لانهم اسره فقيره رزق يوم بيوم وكمان في احتمال ان حصوات جديده تتكون بعد العمليه فقررت انها تؤجل العمليه وما تفكرش فيها وتحتمل الالم وهي بتردد في نفسها طبيبي ربنا . . . ربنا هو الشافي

وفي يوم شافت في حلم سيده لابسه ملابس بيضاء وشكلها زي ما تكون رئيسه اطباء ومعاها شاب طبيب فالست استغربت وسالت الشاب

قولي لو سمحت . . . انا عندي ايه ؟؟؟؟

فرد الشاب بابتسامه وصوت هادئ يا ست انا لسه ما كشفتش عليكي

خاليكي مستعده بثوب ابيض وتنامي في غرفه لوحدك الليله الجايه وانا عندي ماموريه دلوقتي تاني يوم السيده الفقيره نفذت المطلوب منها لبست ثوب ابيض ونامت وحدها وبالليل شافت نور ابيض وهاج بيندفع من الشباك بطريقه ما شافتهاش قبل كده ودخلت الطبيبه الكبيره لابسه ابيض في ابيض

ويديها تشع نور لامع جدا وجمالها لا يوصف مالوش مثيل ودخل بعدها الشاب

وبدء في اجراء العمليه والست شبه متخدره وبعد ما فاقت وصوها انها ترتاح 3 ايام ووعدها بالحضور مع الملكه بعد 3 ايام لفك السلك وترك اثار العمليه ( الحصوه والدم ) جنب المريضه في الميعاد المحدد حضرت الدكتوره الكبيره بنور شديد وبخور عطر ومعاها الشاب الطبيب علشان يفك السلك تحت اشراف الطبيبه التي اطمانت علي نجاح العمليه وسابوا للمريضه 2 منديل

علي كل واحد علامه الصليب وصوره للست العذرا وكلمه روماني وبعدها رشموا الصليب عليها وصلوا مع بعض ابانا الذي في السموات . . . . . .

وهنا الست المريضه الفقيره فتحت عنيها وعرفت ان اللي اشرف علي العمليه رئيسه الاطباء سيدتنا وملكتنا العدراء مريم والده الاله و اللي عمل لها العمليه هو امير الشهداء مار جرجس الروماني وتاكيدا للمعجزه سابوا علي الحيطه علامه الصليب المقدسه ظاهره