المشاركات
أحمد موسى ينفعل على الهواء «الإخوان قتلوا القضاة وهيوصلوا للرئيس»
نقلا عن صدى البلد
انفعل الإعلامي أحمد موسى بسبب الحادث المفجع الذي وقوع اليوم باغتيال النائب العام المستشار هشام بركات.
وصرخ موسى ببرنامج «على مسئوليتي» على قناة «صدى البلد» قائلا:«أنا عاوز أسمع صوت حد من بتوع حقوق الإنسان، ولا حد من الدول غير المحترمه تقول انتوا بتعملوا إيه، أنا مش عاوز أسمع صوت حد بعد اللى حصل النهاردة».
وأضاف موسى قائلا:«ثمن اغتيال النائب العام كام، وخليكوا عارفين إن دى تاني أهم جريمة اغتيال ترتكبتها الجماعات الإرهابية، الأولى كانت اغتيال أنور السادات والثانية هى اغتيال النائب العام، مين يدفع الثمن ده، جماعة الإخوان من أول مرسى لأصغر إرهابي فيها، أحنا هنستنا قد إيه وهنفعل قوانين إزاى ».
وتابع موسى:«إحنا كان لازم نعمل مع الإخوان زي ما عملوا في النائب العام النهارده، جابوا قضاة وأصدروا أحكام ونفذوا جريمتهم وقتلوا النائب العام زي ما هددوا، الإخوان النهارده بيحتفلوا باغتيال النائب العام، واحنا سيبينهم يهددوا ويتوعدوا ولا قبضنا عليهم ولا حكمناهم وسيبنهم هاربانين بره».
وقال موسى:«محمد مرسي وخيرت الشاطر وبديع هما اللى خططوا لقتل المستشار هشام بركات النائب العام، هما اللى قتلوا النائب العام وهما جوا السجن، ولسه هيقتلوا قضاة تاني وهيقتلوا إعلاميين وهيوصلوا للرئيس، أنا بقولكم هيوصلوا للرئيس لو فضلنا سيبنهم كده».
0 التعليقات:
إرسال تعليق