المشاركات
«ساويرس» على «تويتر» «أخبار الساحل ايه؟»
نقلا عن المصرى اليوم
اضحك مع ردود المعجبين بنجيب ساويرس وشاهد ماذا قال لهم بمناسبة عيد الفطر وردودهم علية
أراد المهندس نجيب ساويرس تهنئة المصريين بعيد الفطر المبارك بطريقته الخاص، فسألهم في تغريدة على «تويتر»، الأحد: «واضح أنكم كلكم بتعيدوا ومحدش فاضي لتويتر وغيره، ماشي يا جماعة هكلم نفسي شوية.. طب أخبار الساحل ايه؟»،
لتنهال الردود،
فقال عاطف شديد: «كل سنه وانت طيب يا هندسة خد راحتك وقول اللى في نفسك»،
ورد إسلام محمد عز: «كل سنة وأنت طيب. وعيد سعيد ولا تزعل نفسك، أما الساحل بيسلم عليك وبيقولك فينك مش باين».
بينما أجاب أحمد فاروق ساخرا: «نجيب بك ساويرس أنا مرحتش الساحل ولا حتى جمصة الميزانية مخرمة معكش حسبه مليون منحة لا ترد أخوك أحمد بورصجي جري عليه الزمن».
ورد يوسف زكي :«الساحل زحمة أخر حاجة تحس أنه النزوح الأخير للبلاد وكأن البحر هيخلص فلازم كله يلحق».
وقال محمد هليل: «فين العيدية يابشمهندس ؟»، وقال أحمد نوبل: «والله ما شفته السنة دي وكمان مقضي العيد من أول يوم في الشغل».
بينما رد محمد حميد: «أتكلم وخد رحتك كلنا أذان صاغية»، وقال شكري حسن: «أهو أحسن من الرطوبة بتاع القاهرة»، ورد أخر: «على أساس أنك مش بتعيد ...دا أنت اكيد بتاخد عيديتك بالدولار»
وقال عمر محمد رضا: «الساحل جميل وممتع، شكرا على الاهتمام»، ورد :رامي كمال «الجو تحفة».
بينما أرد أيمن عبدالجواد التعبير عن غضبه من مظاهر العيد في منطقته قائلا:«ساحل أيه تعالى عندي الحدايق وأتمشى جنب القصر كل شوية كشري، روح سوق الوايلي خد صاروخين من العيال وأجري وراهم هتنسى تويتر خالص».
وقال محمد حسين: «أنا بعيد في السخنة، الجو تحفه والجيش خلص جزء من تحويل الطريق اللي ورا القري. كل سنة وأنت طيب يا هندسة».
0 التعليقات:
إرسال تعليق