عمرك فكرت يوم فى اخر يوم .. يوم ماكلنا نبقى واقفين مستنيين ان كل واحد فينا يتقال اسمه

عمرك فكرت يوم فى اخر يوم ..  يوم ماكلنا نبقى واقفين مستنيين ان كل واحد فينا يتقال اسمه 

عمرك فكرت يوم فى اخر يوم ..  

يوم ماكلنا نبقى واقفين مستنيين ان كل واحد فينا يتقال اسمه 

عمرك فكرت يوم فى اخر يوم ..

يوم ماكلنا نبقى واقفين مستنيين ان كل واحد فينا يتقال اسمه 

عشان يروح يقف قدام ربنا

هنبقى كتير .. ملايين لأ .. مليارات البشر من بدء الخليقة لنهاية الايام

عمرك فكرت ايه هيكون احساسك ..

دانت لما كنت بتستنى نتيجة امتحانك وانت عارف انك جاوبت كويس 

.. كنت بتبقى واقف على اعصابك ..

طب وانت عارف انك اكيد مش هتلاقى مبرر لحاجات كتير غير انك كنت مقصر فى حق ربنا ..

 هتبقى واقف ازاى ..

...على فكرة مهما كانت لغتك .. هتفهم الاسئلة ..

مهما كان مستوى تعليمك وطريقة كلامك .. هتفهم الأسئلة ..

مهما كانت درجة ذكائك واستيعابك .. برضه هتفهم الأسئلة ..

يعنى مافيش حد هييجى يقف بينك وبينه .. ماحدش هيترجم .. 

ماحدش هيشرح .. ماحدش هيفهّم ..

انت لوحدك اللى هتبقى واقف قدامه ..

انت عارف .. ربنا ديان وعادل اه .. جبار وقوى اكيد ..

بس انا متهيألى انه لما هييجى يسألنا .. 

هيبقى سؤاله كله عتاب وزعل عليك وعليكى ..

وهو شايفك واقف نادمان مش لاقى حاجة تقولها .. 

اصلك ولا هتعرف تتحجج ولا هتعرف تلاقى اعذار ..

دانا حتى بيتهيألى انه وهو بيكلمك صوته هيتخنق ودموعه هتنزل ..

ماهو ياما دموعه نزلت علينا من اللى احنا وصلنا له

انا عارف ان الموضوع صعب .. 

حتى مجرد التخيل هيبقى تقيل علينا قوى .. 

عارفين تقيل ليه ..

عشان عمرنا ما فكرنا فى اليوم ده بجد .. 

كل واحد فاكر ان حياته لسة فيها فرص للتوبة والرجوع .. 

وهى فعلا فيها فرص للتوبة ..

بس هتعمل ايه لو جالك الملاك دلوقتى وانت بتقرا البوست ده 

وقاللك .. ياللا معايا احنا طالعين ..

هتقول له ايه؟ .. 

سيبنى لحد بكرة .. 

عارف هيبقى ايه رده .. 

يعنى اللى ماعملتوش طول حياتك .. هتعمله من انهاردة لبكرة ؟ ..

ياتقرر دلوقتى انك تبقى مستعد انك تقابل ربنا فى اى وقت ..

يا إما تسيب نفسك .. 

وماتزعلش لو اتفاجئت ان فرصة توبتك انتهت ..