شوفو شفاعة الشهيدة فيلومينا مع طالب ثانوية عامة عملت اية معاه ودي شهادة منه بذلك

انا هحكلكم علي معجزة الشهيدة فيلومينا معايا 

انا طالب في الثانويه العامة علمي-علوم دفعه 2015 ... 

انا عرفت القديسه لما شفت صورتها ف ايد واحد من الشباب ف اجتماع ثانوي يوم الجمعه (قبل بداية الامتحانات بيومين ) 

وكان اول امتحان يوم الاحد (اللغه العربيه) و لقيت نبذه عن حياة الشهيده العظيمه في ظهر الصوره .. 

المهم انا قريتها و اخدتها شفيعه ليا ف الامتحانات مع البابا كيرلس و مارمينا و ام النور (غير اني كنت حاطط شفيع لكل ماده ) ... و هي وقفت معايا ف كل الامتحانات .. وجيت انهارده قبل اعلان النتيجه و صليت و طلبت شفاعتها و انا كنت متوقع لنفسي من 96% : 97.5% بالكتييييير قوي ... وهنا حصلت المعجزه انا جبت 99% و باذن ربنا هحقق حلمي وادخل كليه الطب ... بجد هي سريعه جداا و طيبه جدا جدا وانا بحبها كتييير .. بركه شفاعتها تكون معانا ..امين